مين يقدر يتبرع ...
ساعد غيرك صحته تتحسن، اتبرع بالدم لو…
- سنك من ١٨ لـ ٦٠ سنة
- وزنك مش أقل من ٤٥ كيلو جرام
- نسبة الهيموجلوبين فى دمك ماتقلش عن ١٢.٥ ٪
- أخر مرة إتبرعت كان من ٣ شهور
- ماكانش عندك مالاريا أو تايفود أو أى مرض ممكن يتنقل
فى ناس كتير بتتوفر فيهم المواصفات دى
- خليك صادق فى أى حاجة تقولها عن حالتك الصحية
- متوقع إن اللى هايدى دم يكون صادق فى معلوماته عن صحته زمان و دلوقتى.
- ثانياً الدم اللى بيتجمع هايخش إختبارات عشان يبقى مضمون إنه مافيهوش أمراض تناسلية ولا إلتهاب كبد بى أو سى ولا إيدز.
لازم صحتك تكون كويسة عشان تدى دم سليم
مين مايقدرش ...
ماتتبرعش بالدم لو عندك أي حاجة من الأعراض دى...
- برد/سخونة الإسبوع اللى فات
- بتاخد أنتى بيوتيك أو أى دوا تانى
- مشاكل فى القلب أو ضغط عالى أو صرع أو سكر (بتاخد إنسولين) أو سرطان أو مرض الكلى أو الكبد أو قابلية للنزيف أو أمراض تناسلية
- عملت عملية جراحية كبيرة فى أخر ٦ شهور
- إتطعمت فى أخر ٢٤ ساعة
- حصل إجهاض أو حمل أخر ٦ شهور أو رضاعة فى أخر ١٢ شهر
- حصل إغماء فى أخر مرة و إنت بتتبرع بالدم
- بتحتاج نقل دم بإنتظام
- إستعملت حقنة مستعملة أو كان عندك سابقة فى الإدمان
- عندك نقص مناعة
الحمل و فترة ما قبل الدورة الشهرية
- الستات مش المفروض تتبرع بدم فى فترة الحمل.
- ممكن يتبرعوا بعد ٦ شهور من تاريخ الولادة الطبيعية بشرط مايكونوش بيرضعوا ولادهم.
- الستات مش المفروض يتبرعوا بالدم أثناء فترة الدورة الشهرية و تشنجات العضلات.
معلومات عامة عن الدم
- الدم حاجة غالية مفيش بديل ليها
- نص لتر دم يقدر ينقذ حياة ٣ أفراد
- بمعدل كل دقيقتين فى شخص بيبقى محتاج لدم.
- متوسط كرات الدم الحمرا اللى بتتنقل لتر و نص تقريباً.
- فصيلة الدم اللى دايماً مطلوبة فى المستشفيات هى " اوو ".
- مرضى فقر كرات الدم الحمرا ممكن يحتاجوا نقل دم بإستمرار خلال حياتهم كلها.
- مرضى السرطان بيزيدوا كل سنة، و كتير منهم بيحتاجوا دم و ساعات بيحتاجوا دم يومياً أثناء فترة العلاج الكيميائى.
- ضحية حادثة عربية واحدة ممكن يحتاج ١٠٠ وحِدة دم تقريباً.
معلومات عن نقل الدم
- الدم مش بيتصنع، لازم يتنقل من حد تانى.
- فصيلة دم " اوو " تقدر تتنقل لأى حد مهما كانت فصيلته و عليها طلب كتير و دايماً في نقص فى كمياتها.
- فصيلة دم " ايه بى + بلازما " تقدر تتنقل لأى حد مهما كانت فصيلته و دايماً فى نقص فى كمياتها.
معلومات عن عملية نقل الدم
- عملية نقل الدم عملية مفيهاش خطورة، إبرة معقمة بتستعمل مرة واحدة مع كل متبرع و بتترمى بعد كدة.
- فى أربع خطوات للتبرع بالدم: التسجيل، إختبار جسدى / تاريخك الصحى، التبرع و الراحة.
- كل متبرع بيمر بإختبار جسدى بسيط زى التأكد من درجة حرارة المتبرع و ضغط دمه و النبض و الهيموجلوبين عشان يبقى جاهز للتبرع.
- التبرع بالدم بياخد حوالى ١٠ لـ ١٢ دقيقة، العملية كلها من ساعة ما توصل لحد ما تمشى بتاخد حوالى ساعة و ربع.
-الكبار عندهم حوالى ٥ لتر دم فى جسمهم، التبرع بيبقى بالنص لتر بس.
- المتبرعين بالدم يقدروا يتبرعوا كل ٥٦ يوم، و المتبرعين بالـ " بليتليت " كل ٧ أيام.
- المتبرع اللى صحته كويسة يقدر يتبرع بكرات الدم الحمرا كل ٥٦ يوم، أو ضعف كرات الدم كل ١١٢ يوم.
- المتبرع اللى صحته كويسة يقدر يتبرع بالبليتليت او الصفائح الدموية ( الـ "بليتليت" دى من مكونات الدم الرئيسية، وظيفتها تكوين جلطات بسيطة عشان توقف أى نزيف) كل ٧ أيام، بس مش أكتر من ٢٤ مرة فى السنة.
- الدم المتبرع بيه بيدخل إختبارات إيدز و إلتهاب الكبد بى و سى و الزهرى و أي مرض معدى قبل مايتنقل للمريض.
معلومات عن الدم و مكوناته
- الدم بيمثل ٧٪ من وزنك.
- فى ٤ حاجات ممكن تستخرج و تتنقل من الدم: كرات الدم الحمرا، بليتليت(الصفائح الدموية)، بلازما و كرايو براسيـبـيتيت، حاجتين أو تلاتة من دول ممكن يستخرجوا من الدم عشان كده كل تبرع ممكن ينقظ حوالى ٣ حالات.
بلازما (٥٥ ٪)
كرات الدم البيضا و بليتليت ( أكتر من ١٪ )
كرات الدم الحمرا ( ٤٥ ٪ )
- المتبرعين ممكن يتبرعوا بالدم كله أو بمكونات معينة، عملية التبرع بمكونات معينة من الدم إسمها " أفريسيس."
- جرعة البليتليت(الصفائح الدموية) ممكن تتاخد من عملية " أفريسيس" واحدة أو من ٥ تبرعات بدم كامل.
معلومات عن المتبرع
- السبب الأول اللى بيخلى الناس تتبرع بالدم هو إنهم عايزين يساعدوا غيرهم.
- الناس اللى مش بتتبرع بيبقوا يا إما " عمرهم ما فكروا فى الحكاية دى" يا إما " مش بيحبوا الحقن ".
- تبرع واحد ممكن ينقظ حياة ٣ أفراد تقريباً.
- كل سنة ٣٠ مليون عنصر من عناصر الدم بيتنقل.
- لو إبتديت تتبرع بالدم و إنت عندك ١٨ سنة كل ٩٠ يوم لحد سن ٦٠ هاتبقى إتبرعت بـ ٣٠ جالون دم و ساعدت أكتر من ٥٠٠ واحد.
- فصيلة الدم "اوو-" بتبقى مطلوبة فى حالات الطوارىء قبل ما يتعرف فصيلة دم المريض، و كمان لما بيكون فى مولود جديد محتاج دم.
- ٣٥ ٪ من البشر فصيلة دمهم "اوو" سالب أو موجب.
- ٤٠ ٪ من البشر فصيلة دمهم "ايه بى"، و المتبرعين بفصيلة دم "ايه بى" ممكن يتبرعوا بعنصر الـ "بلازما" اللى دايماً مطلوب فى حالات الطوارىء و المواليد الجدد و المرضى اللى بيحتاجوا نقل دم كتير، و كمان المتبرع بالـ "بلازما" ممكن يدى لأى حد فى العالم.
- فى أربع مجموعات دم : ايه، بى، ايه بى و اوو
فى سنة ١٩٠١ الفيزيائى كارل لاندشتاينر فى النمسا إكتشف أول ثلاث مجموعات دم، و فى عيد ميلاده ١٤ يونيو بيحتفلوا باليوم العالمى للمتبرعين بالدم.
فصيلتك إيه؟
نسبة كل فصيلة من كل مجموعة
شخص ١ من ٣ اوو+ شخص ١ من ١٥ اوو -
شخص ١ من ٣ ايه+ شخص ١ من ١٦ ايه -
شخص ١ من ١٢ بى+ شخص ١ من ٦٧ بى -
شخص ١ من ٢٩ ايه بى+ شخص ١ من ١٦٧ ايه بى -
مواقف بيستخدم فيها نقل دم و قد إيه
حادثة عربية ٥٠ وحِدة دم
جراحة قلب ٦ وحدات دم/ ٦ وحِدات بليتليت
زراعة أعضاء ٤٠ وحِدة دم / ٣٠ وحِدة بليتليت
زراعة نخاع ١٢٠ وحِدة بليتليت/ ٢٠ وحِدة دم
ضحايا الحروق ٢٠ وحِدة بليتليت
